A dirección deportiva e Ivan Úbeda Moldes (Portonovo, 16/01/2006) acadaron un acordo para a incorporación do futbolista, formando así parte do #SILVA2526.
O xogador, que ocupa a posición de mediocentro, chegou a debutar no Arosa SC o pasado curso en 3ª RFEF, tras ser un xogador imprescindible no seu equipo de División de Honra Xuvenil, onde acadou 2.271 minutos en 30 partidos, 29 de inicio, con 3 goles.
Anteriormente formou parte do Portonovo, onde chegou a xogar en Preferente Futgal sendo xuvenil de 2º ano, do Val Miñor, onde chegou a xogar en Primeira Futgal sendo xuvenil de 1º ano, e das canteiras do CD Lugo, RC Deportivo e Pontevedra CF SAD.